Plantun de Prouvènço

Pèr coumpara dos planto d'encò nostre

Carex panicea & Erophila verna

Queirello(-faus-mi)

Carex panicea

Cyperaceae

Àutri noum : Moutouso, Sagneto.

Noms en français : Laîche bleuâtre, Laîche faux panic.

Descripcioun :
Poulido queirello que trachis dins li relarg bagna en mountagno o dins li palun. Es uno planto que fai un rizoumo d'ounte sorton lis espigo e de fueio verdalo qu'embrasson proun la cambo. I'a uno espigueto masclo (en aut) e 1 à 3 espigo femello pas trop sarrado e emé un long pecou. Lis utriculo de 3 à 4 mm, soun claro emé un bè forço court. I'a tres estigmato (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 15 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero - Palun
Estànci : Mesoumediterran à Subaupen
Couroulougi : Éurosiberiano
Ref. sc. : Carex panicea All., 1785

Erbo-primo

Erophila verna

Brassicaceae Cruciferae

Noms en français : Drave printanière, Drave du printemps.

Descripcioun :
Pichoto planto menudo que fai pèr lou mai 10 cm d'auturo. Sèmblo un Cerastium emé si petalo escavado sus la mita. Pamens a bèn 4 petalo e 2 + 4 estamino. Li flour fan quàuqui mm, pas toujour bèn duberto. La cambo de flour sort d'uno pichoto rouseto basalo. Flouris d'ouro au mitan de l'ivèr, d'aqui que vèn soun noum.

Usanço :
Servié à passa tèms pèr sougna li panàri. Li fueio podon èstre mesclado is ensalado, mai faudra vous leva d'ouro.

Port : Erbo
Taio : 3 à 15 (20) cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Erophila
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Ivèr

Sòu : Ca
Autour basso e auto : Pancaro entresigna
Aparado : Noun

Liò : Champ - Paret - Roucas
Estànci : Termoumediterran à Mountagnard
Couroulougi : Pancaro entresigna
Ref. sc. : Erophila verna (L.) Chevall., 1827

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Carex panicea & Erophila verna

ges

Coumpara Queirello(-faus-mi) emé uno autro planto

Coumpara Erbo-primo emé uno autro planto